Polis cu preparacion maximo pa bishita di Rey Willem-Alexander

ORANJESTAD – Cuerpo Policial Aruba ta den fase final di preparacion pa bishita oficial di Su Mahestad Rey Willem-Alexander, cu ta inclui coordinacion estricto cu gobierno y equipo di comunicacion real.

Diferente unidadnan special ta haci ehercisio tactico y practico pa garantisa seguridad nacional y un acto protocolario exitoso.

Polis ta avisa comunidad cu sirena y zwaailicht cu ta mira riba caminda ta parti di entrenamento, y cu algun camindanan importante lo wordo cera durante e bishita.

Publico ta wordo recomenda pa usa rutanan alternativo y tuma precaucion durante e periodo aki.