Ex docente ta muri despues di a bira malo tras di stuur

ORANJESTAD – Un homber di 74 aña a muri diamars despues cu e la bira malo tras di stuur den De la Sallestraat, cerca di La Salle College. Ta trata di e ex docente Orlando Edmund Lo-Fo-Sang. Segun Cuerpo Policial Corsou, centro di despacho a ricibi rond di 12:00 un yamada di un accidente di trafico unda un conductor mayor di edad a bira malo y no tabata responde mas. Polis y ambulancia a wordo manda inmediatamente pa e lugar.

Polisnan a haya e conductor den su vehiculo sin señal di bida. Personal di ambulancia a duna asistencia medico, pero nan no por a haci nada mas pa salba su bida. E medico di polis cu a yega na lugar a confirma e morto di Orlando Edmund Lo-Fo-Sang, naci den Surinam riba 10 di september 1951.

Polis ta enfatisa cu e incidente no ta wordo registra manera un morto di trafico, pasobra probablemente e conductor a muri como resultado di un problema di salud y no directamente pa motibo di e accidente di trafico. NOTA: E potret ta un ilustracion pa bay cu e articulo y no ta refleha e caso specifio aki.