Aruba ta conoce su di 4 morto den trafico pa 2026

ORANJESTAD - Gilliane Russiane Albert (27) a bira e di 4 morto di trafico diasabra merdia. Tabata diaranson anochi 4 maart 2026 pa 10:54 di anochi Central di Polis a wordo notifica di un accident cu a tuma lugar riba caminda di Seroe Tijshi. Un auto lo mester a bolter lagando e chauffeur herida. 

A despacha patruya di polis , ambulance y tambe specialista di trafico. 

Na e sitio di e sucedido enberdad a topa cu un auto Diahatsu Boon color silver  y un chauffeur femenino herida. Prome informe tabata indica cu e chauffeur lo a bay pasa auto y na un dado momento e lo a perde control. 

Ambulance a yega na e sitio, stabilisa e chauffeur y a transporte pa hospital pa cuido medico avansa. 

Mientras cu specialista di trafico a tuma e caso y a sigui cu nan investigacion pa asina saca afor kico lo por a pasa.

Awe diasabra den oranan di merdia polis ta wordo notifica door di personal di hospital cu e chauffeur femenino a fayece. 

Pa 1’or di awe tardi dokter a constata morto di Gilliane Russiane Albert naci na Aruba 19 mei 1998 (27 aña).

Lamentabelmente e ta bira di 4 morto den trafico pa 2026.

Cuerpo Policial Aruba ta manda palabra di condolencia y forza na famia di e fayecido den e momento dificil aki.