Hopi atencion diabierna awor pa e caso di dos polis acusa di tira e hoben Lannoy mata

ORANJESTAD - Diabierna awor pa 8'or y mei di mainta, Corte ta cuminsa  e tratamento di fondo di e caso conoci bou di nomber Caret. E caso aki ta trata di e incidente di tiro di 9 februari 2025 den cual e hoben Ayden Lanoy a fayece. Dos agente di polis (señornan V. y D.) a wordo marca como sospechoso den e caso aki y mester presenta pa defende nan mas.

E tratamento di e caso lo dura segun expectativa dos dia. E prome dia ta pues diabierna benidero. E di dos dia ta dialuna 23 februari proximo. Despues huez lo stipula un fecha pa dicta e sentencia.  Manera por spera, e caso lo yama hopi atencion y lo por tin un grupo grandi di persona presente. Durante e regiezitting aña pasa, Corte tabata hopi specifico, y a splica e situacion. Aki tin dos grupo, esta esun di famia di e polisnan y famia di e victima. Y lo haci tur posibel pa tur cos cana bon, pa evita cualkier confrontacion.