Chauffeur femenino di hit & run fatal ta keda deteni pa 90 dia mas

ORANJESTAD - E chauffeur femenino di di hit & run fatal C. Fernandes (24) cu dia 4 di januari ultimo a causa un accidente fatal, lo keda deteni pa por lo menos  90 dia mas. Vocero di ministerio publico Ann Angela a confirma esaki pa noticiacla. E accidente di e dia menciona, a  laga dos persona herida fatalmente, y a causa consternacion y rabia den comunidad. Specialmente pa e forma con e accidente a sosode y e resultado despues, den e sentido cu e persona cu a causa e accidente, a core bay despues cu su auto. Despues e persona a keda deteni y no a recobra su libertad mas.  

PROLONGACION

Dia 8 di januari 2026, Hues Comisario a aproba e prome peticion di Ministerio Publico pa prolonga e detencion di e sospechoso cu 8 dia. Depues esaki a sigui, y dia 22 di januari, a prolonga e detencion conforme ley, cu 90 dia. Si e investigacion riba e caso termina prome, y cu Huez Comisario aproba, e sospechoso por recobra su libertad pendiente su caso. NOTA: E potret cu ta compaña e texto aki ta un dramatisacion di e situacion cu e texto ta describi.