Juan Luis Guerra y su 440 a deleita Aruba su publico cu su exitonan grandi

ORANJESTAD – Durante casi 2 ora, e artista internaconal di origen dominicano, Juan Luis Guerra y su orchestra 440, a deleita e publico grandi diasabra anochi Harbour Arena na Oranjestad. Un tras di otro, e exitonan tabata zona, y e publico tabata e coro grandi cu tabata canta y baila riba e tononan di Juan Luis. E comentarionan tabata hopi positivo despues, y hopi a comparti nan momentonan riba rednan social. Tabata casi 6 aña cu e artista no a presenta na Aruba, y e anochi a refleha esaki, cu un cantidad grandi di publico cu a bin for di tempran, pa goza di tanto e bandanan local Buleria, Robert su Solo Banda Show y Grupo Di Betico, como e evento principal, cu ta Juan Luis Guerra y su 440.