Aruba Marriott Resort a celebra su di 30 aniversario

PALM BEACH  – Celebrando 30 aña, Aruba Marriott Resort a organisa un anochi pa celebra su exito cu su fiel clientenan, proveedornan, medionan di comunicacion y partners. 

E evento a tuma lugar na e area di South Beach, dilanti di Aruba Marriott Resort. E evento dorna cu areanan di lounge contemporario, den nos dushi santo blanco, cu efecto nan di lus impresionante. 

Como anfitron di e evento magnifico aki, e comision Ehecutivo, hunto cu e team di “Sales and Marketing, y Events”, a saluda nan invitadonan na e yegada na e evento. Sr. Raoul Lemmerling, GM di e compleho, a yama e invitadonan Bon Bini formalmente cu un discurso conmovedor, y un brindis special, gradiciendo e doñonan, clientenan, proveedornan, medionan di comunicacion, partners, y tur associado pa nan lealtad y sosten continuo durante e añanan, esaki sigur a contribui na hasi Aruba Marriott undi e mihor resortnan den e region.

Durante e evento, e invitado nan a disfruta di plato nan exkisito representando platonan favorito di nos restaurantnan manera, Mercat, Atardi, Sushi di The Lobby y tambe di Aruba Marriott su Brunch. E team culinario di Aruba Marriott lidera pa Chef Ehecutivo Cristiano Guidetti, a hasi un trabou grandioso, cu e diferente opcion nan cu tabata tin pa deleita e anochi akinan.

E sensacion local Buleria, a hasi un trabou fantastico den duna ambiento na e evento akinan, sigurando cu e invitado nan a disfruta henter anochi y pasa momentonan inolvidabel.