Tension ta subi pa suspencion di buelonan den region cu Venezuela

CARACAS - Suspencion di vuelo pa Venezuela, como reaccion pa  e alerta cu Merca a duna pa “tuma precaucion extremo” ora ta pasa den espacio aereo di e pais, a aumenta tension den region durante e ultimo oranan, despues cu siete aerolinea a tuma e desicion aki den un periodo cu gobierno di Donald Trump tin un despliegue militar den Caribe. Latam Airlines, e aerolinea mas grandi di Latinoamerica, a confirma cancelacion di vuelo programa pa ayera diadomingo y awe  dialuna for Bogota pa Caracas. “Pa Latam Airlines Colombia e prioridad ta seguridad di nan pasahero y tripulacion. Pa motibo aki, aerolinea a dicidi anulamento preventivo di operacion di vuelo riba ruta Bogota–Caracas–Bogota pa 23 y 24 di november,” segun e empresa den un comunicado.