Havenmeester Bonaire: Tin manchanan di zeta na caminda pa Aruba y Corsou

Posted on 02/28/2024 2:58 pm AST | Updated on 02/28/2024 3:06 pm AST

ORANJESTAD – Tin mancha di zeta (petrolio) na caminda pa Aruba y Corsou. Asina e havenmeester di Bonaire Gunther Flanegin a bisa diaranson merdia durante un conferencia di prensa na Bonaire riba e situacion di e manchanan di zeta cu a yega Bonaire e siman aki, procedente di e derame di zeta di un boto na Trinidad y Tobago. E isla a haye ta limpia varios boca cu a keda afecta, pero a mira cu fuera di esey, no tin menasa mas. Mes momento, riba pregunta di noticiacla riba e informe di Bonaire, e director di CMO, Rino Hermans a informa e portal aki cu ta spera esaki pa mayan, per mes momento ta bisa tambe cu mañan nan ta premira algo di e manchanan. “ Pero e stroom ta na nos banda pa want’e for di costa (di Aruba)” Hermans a sigura e portal aki diaranson merdia. 

ARUBA Y CORSOU

Ora cu autoridad di Bonaire a bay check via di satelite y radar, a nota cu mientras cu no tin mas mancha pa e isla, tin si mancha di zeta bayendo direccion Aruba y Corsou. A sigura cu a notifica e havenmeesternan di tanto e dos islanan pa alerta nan riba e situacion. 

E CASO

Manera ta conoci recientemente tabatin un incidente na Trinidad y Tobago unda cu un boto a derama un cantidad grandi di zeta for di mitar di februari di e aña aki. A dura un poco, pero e manchanan a drief bin y yega te nos direccion y Bonaire, siendo e prome di e tres islanan riba e ‘ruta’, a keda afecta prome. Aruba su instancia oficial contra calamidad, CMO, a informa diamars caba cu ta alerta riba e tema y cu ta prepara pa si e manchanan aki yega. Na Reuters, manera cu noticiacla a raporta awe tambe, CMO su director Rino Hermans a informa cu tin un ekipo di 60 persona prepara pa actua si tin e necesidad. NOTA: E potret cu ta acompaña e articulo, ta uno di satelite di e situacion na Trinidad, saca dia 14 di februari ultimo, 2 dia despues di e incidente. 

  • Dia Internacional di Mama Tera 2024: Cambia e direccion di pensamento y inclui bienestar di e planeta den nos bida diario

    Dia Internacional di Mama Tera 2024: Cambia e direccion di pensamento y inclui bienestar di e planeta den nos bida diario

    ORANJESTAD - E asamblea general di Nacionnan Uni a proclama 22 di april como Dia Internacional di Mama Tera. Esaki, nan a haci’e pa medio di un resolucion firma na 2009. E fecha aki ta reconoce e ecosistemanan di e planeta Tera, cu ta e luga di biba di humanidad y cu mester di proteccion pa asina engrandece hende su bienestar, combati cambio di clima y tambe stop e biodiversidad di bay perdi. Aki na Aruba DNM tambe ta reconoce e urgencia pa haci mas y duna un voz na e naturalesa, Mama Tera.

  • AZV: Otro luna tin traspaso automatico di clientenan di dokter Vink pa HOED Piedra Plat

    AZV: Otro luna tin traspaso automatico di clientenan di dokter   Vink pa HOED Piedra Plat

    ORANJESTAD - E contracto entre dokter Lea Vink y Organo Ehecutivo AZV ta termina. Nos ta gradici dokter Lea Vink pa e servicio cu el a brinda na nos aseguradonan. Alabes ta desea su persona hopi exito den su siguiente reto. 

  • Grupo grandi di ex studiante tin problema pa paga nan Duo lening bek

    Grupo grandi di ex studiante tin problema pa paga nan Duo lening bek

    ORANJESTAD – Mas cu mitar di studiantenan local (Aruba) cu a studia usando e prestamo escolar ‘Dienst Uitvoering Onderwijs voor studenten en scholieren’, conoci como DUO, tin problema pa paga esaki bek , ta paga menos cu nan mester paga, of mas pio, no ta paga nada bek mes. E grupo aki ta sigui ta un problema segun representante di DUO, Marit Verbogt manera cu e la splica diahuebs den e programa Noticiacla LIVE. Si tin mas of menos 4000 ex studiante cu tin cu paga bek, y ta algo di mas di mitar tin e problema, por deduci cu e cantidad aki ta mas cu 2 mil studiante local. Verbogt ta splica kico e situacion ta, den e video adhunto. E siman aki e representantenan ta na Aruba te cu otro siman diabierna pa atende cu e grupo aki y tambe studiantenan cu kier un beca via DUO. Nan por acudi na e centro John F Kennedy durante oranan specifico cu ta ubica riba e pagina di FB di nan y tambe e portal di DUO. 

  • DVG: A cuminsa hospitalisa hende localmente infecta cu Dengue

    DVG: A cuminsa hospitalisa hende localmente infecta cu Dengue

    ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue.  Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.

  • Conocido ciudadano y ex director di KIA Ben King a haya despedida impresionante

    Conocido ciudadano y ex director di KIA Ben King a haya despedida impresionante

    ORANJESTAD - E siman aki a tuma na un manera impresionante despedida di Ben King, door di su famia, fellow K’ di Kiwanis Club of Palm Beach, miembronan di e directiva di Neptali Henriquez Park, amigonan, ex-coleganan, bisiñanan y conocirnan.

  • DEA: Cabesante y docentenan ta sigui prepara pa introduci Papiamento na scolnan basico

    DEA: Cabesante y docentenan ta sigui prepara pa introduci Papiamento na scolnan basico

    ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.

  • Zulo
  • Alpina
  • Powered by SETAR