WILLEMSTAD – E e pelotero profesional yiu di Corsou Jonathan Schoop mester aparece diabierna 6 di februari dilanti di juez-comisario na Corsou. E internacional di 34 aña ta deteni desde 29 di januari. Asina  Openbaar Ministerie (OM) na Corsou a confirma. Riba 29 di januari, polis a realiza buskeda di cas na diferente vivienda riba e isla, incluyendo e cas di Schoop. En total nuebe persona a wordo arresta den un investigacion riba posesion ilegal di arma. Durante e operacion, a confisca arma di fuego, municion, cartucho y cargador. Segun OM, tur e personanan arresta ta permanece detene.

WILLEMSTAD - E conocido  Soul Beach Music Festival ta haya un cas nobo na Corsou for di e aña aki, depues cu aña pasa e la muda pa St Maarten. Asina e organisacion a anuncia.Prome cu esey, e tabata na Aruba pa varios aña. E evento, cu durante añanan tabata tuma lugar na Aruba, awor a scoge Corsou debi na e combinacion di beach, cultura y e ambiente caribeño calido cu segun e organisacion ta conecta cu e experiencia di Soul Beach. Segun e organisadornan, e formula ta keda meskos: DJnan internacional grandi, un ambiente fuerte di festival y un grupo fiel di bishitantenan cu ta bolbe cada aña. NOTA: e potret adhunto ta di archivo di Noticiacla di e concierto tempo cu e tabata na Aruba. 

WILLEMSTAD – Ex-minister di Financien Javier Silvania a retira di manera consciente pa preveni un division interno den partido di gobierno MFK. Asina el a declara e siman aki den programa Moru Bondia. E opinionnan den fraccion di MFK tocante e funcionamento di Silvania tabata hopi dividi. Un mocion di desconfianza for di oposicion tabata amenasa pa forza e partido na un votacion habri, unda miembro di fraccion lo mester a mustra claramente nan posicion. “Si mi mester sacrifica mi mes pa e obhetivo mas grandi, esta pa conserva e unidad den e partido, e ora mi ta dispuesto pa haci esaki,” Silvania a bisa.

WILLEMSTAD.- For di ayera Servisio Meteorológiko Kòrsou a emití Kódigo Hel pa laman brutu ku ta na vigor pa áreanan di kosta nort i wèst. E impakto antisipá ku por a mira na vários playa parti wèst di Kòrsou tabata resake i/òf bientu fuerte ku a kousa laman brutu na kosta. E situashon aki a kousa ola haltu, i na Playa Piskadó algun boto chikí a risibí daño. Tambe por a mira mesun situashon di laman brutu na Playa Kenepa i otro playanan na parti wèst di Kòrsou. laman brutu a bati e playanan aki i a laga piedra riba e playa. E situashon aki a kousa ku turistanan no por a disfrutá di nos playanan na parti wèst ayera, i probablemente si e situashon kontinuá awe tambe manera Servisio Meteorológiko ta pronostiká, no por muha ni pia.

WILLEMSTAD  – Riba 31 di januari 2026, atardi den atardi, Wardacosta Caribe  a ricibi un notificacion cu un boto di pesca cu dos homber riba bordo tabata desapareci. E boto a sali for di Islanan Aves riba 30 di januari 2026, cu dos homber di Corsou riba bordo, cu direccion pa Corsou.

A’DAM/W’STAD.- Un hòmber yu’i Kòrsou, bibá na Hulanda ayera den korte dilanti di un “politierechter” na Almere a keda kondená pa menasa via di facebook kontra di promé minister Gilmar Pisas. E hòmber a haña kastigu di 40 ora di trabou, kaminda e ta traha grátis riba kualke proyekto pa komunidat, ta loke ku wes a dikta.