Minister Rene Herdé awe nochi ta den Noticiacla LIVE

ORANJESTAD – Minister Rene Herdé ta huesped awe nochi den Noticiacla LIVE, unda lo wordo confronta cu varios pregunta directo tocante su funcionamento como minister, futuro di su cartera y e problemanan cu ciudadanonan ta enfrenta diariamente den area manera vivienda, tereno, DIP, DOW y infrastructura.

Un di e preguntanan principal lo ta kico ta pasa cu posicion di Herdé awor cu Mike de Meza finalmente no ta drenta Gabinete. 

Otro tema importante ta vivienda y disponibilidad di tereno pa local. Herdé ya a reconoce cu tin un problema serio den e area aki, pero durante e programa Noticiacla lo busca respuesta riba algo mas concreto.

E entrevista lo trata tambe funcionamiento di DIP y DOW, atraso den procesonan, infrastructura, modernisacion di aparato gubernamental y e demanda creciente di pueblo pa mira resultado concreto en bes di solamente anuncio y plan.

Noticiacla lo busca contesta tambe riba con Herdé kier wordo husga na final di su periodo como minister y cual ta e resultadonan concreto cu e ta dispuesto pa pone su nomber tras di nan.

Minister Rene Herdé, awe nochi den Noticiacla LIVE, den un entrevista directo cu Tito Laclé cuminsando pa 8:30pm riba pagina di Facebook di Noticiacla, e website  di Noticiacla (click riba e botton LIVE), y riba e canal di youtube di Noticiacla.