Xavi ta tuma mando di Hulanda cu futbol ofensivo como filosofia

ZEIST – Xavi Hernández a wordo presenta como seleccionador nobo di Hulanda y a laga cla cu su meta ta gana premio y practica un futbol ofensivo. E entrenador di 46 aña a bisa cu un defensa di cinco no ta cuadra cu su filosofia y cu e ta prefera sistemanan manera 4-3-3, 4-2-3-1 of 3-4-3.

Xavi ta kier un seleccion cu domina e partido, tene e bala y tuma iniciativa. “Nos kier hunga bon futbol, cu posesion di bala. E resultadonan lo bin despues,” el a declara.

E entrenador ta kere den e talento cu Hulanda tin y kier crea un grupo uni. El a confirma tambe cu lo no exclui hungadonan cu ta hunga na Arabia Saudita, mientras nan rendimiento ta bon.

Xavi ya a papia cu Virgil van Dijk y Frenkie de Jong. Di De Jong, el a bisa cu e ta un hungado fundamental pa su manera di hunga.