Dos persona deteni; droga y arma confisca na Madiki

ORANJESTAD — Unit Narcotica a detene dos persona y confisca droga, un arma di candela y un municion durante un entrada hudicial na un percela na Madiki diadomingo marduga, 8 di november 2026.

E accion tabata relaciona cu un investigacion tocante bendemento di droga y posesion di arma di candela. E detencionnan ta di un homber di 29 aña, naci na Aruba, cu inicialnan G.E.E., y un muher di 23 aña, naci na Hulanda, cu inicialnan M.L.M.M.

Durante e registro, polis a haya y confisca cocaina, marihuana y XTC. Tambe a confisca un arma di candela y un municion pa e investigacion. KPA no a especifica e cantidad di droga confisca.

Unit Narcotica a haya apoyo di K9-Unit, Team di Aresto y polis uniforma di Noord.

Cuerpo Policial Aruba ta pidi cualquier persona cu informacion tocante e caso pa yama e tiplijn 11141. Informacion por wordo duna anonimamente.