Resistencia contra servicio militar obligatorio ta crece na Corsou

WILLEMSTAD — Cinco organisacion social na Corsou ta protesta contra e posibilidad di introduci servicio militar obligatorio pa hobennan den Reino Hulandes. Nan ta teme cu un medida asina, sin aprobacion di e paisnan Caribense, por afecta nan autonomia.

E organisacionnan, lidera pa Fundashon Museo Tula, a solicita un reunion urgente cu Parlamento di Corsou. Hunto cu gruponan na Aruba, Sint Maarten y Sint Eustatius, nan ta preparando un peticion contra reclutamento militar obligatorio.

Segun e organisacionnan, un obligacion militar impone sin participacion di poblacion por rebiba recuerdo doloroso di pasado colonial y esclavitud.

Mientrastanto, parlamentario Ishahier Monte di partido MFK ta explora si servicio militar of social obligatorio por yuda hobennan desaroya disciplina, habilidadnan y mihor oportunidadnan pa futuro.

E organisacionnan ta exigi claridad huridico y garantianan cu ningun medida lo wordo introduci sin consulta y aprobacion democratico. Articulo 31 di Statuut ta stipula cu servicio militar obligatorio na Aruba, Corsou y Sint Maarten solamente por wordo introduci mediante un ley propio di cada pais.