Universidad di Aruba ta ofrece conseho huridico pa hende cu entrada abou

ORANJESTAD — Habitantenan di Aruba cu tin problema huridico, pero cu no por paga un abogado, por acudi na Tienda di Ley di Universidad di Aruba pa ricibi conseho juridico.

E servicio, cu a cuminsa atrobe dia 3 di october, ta ofrece yudansa cu conflicto laboral, problema di huur, divorcio, inmigracion, contrato, reclamo di daño y arreglo di pago.

Durante e consultanan, dos studiante di derecho ta evalua e caso bao supervision di un experto, pa despues ofrece conseho huridico. E servicio no ta representa cliente den corte. Casonan complica ta wordo referi na instancianan competente.

E proximo dia di consulta ta diasabra 31 di october, sigui pa 28 di november y 12 di december. E programa ta continua te 15 di mei 2027.

Consultanan ta tuma luga na Universidad di Aruba, solamente cu cita previo.