Merca kier Delcy Rodríguez laga poder na 2027

WASHINGTON — Gobierno di presidente Donald Trump a presenta un plan pa transicion politico na Venezuela, cu ta contempla cu presidente interino Delcy Rodríguez lo laga poder na 2027, pa habri caminda pa eleccion presidencial.

E plan tin tres paso principal. Prome, renoba Tribunal Supremo di Husticia (TSJ) prome cu fin di 2026. Di dos, reforma Conseho Nacional Electoral (CNE), pa garantisa eleccion mas transparente y evita exclusion di candidatonan. Finalmente, Rodríguez mester declara e presidencia vacante, activando un periodo constitucional di seis luna pa organisa eleccion.

E propuesta ta parti di negociacion entre gobierno Chavista y un sector di oposicion lidera pa Dinorah Figuera. Lider opositor María Corina Machado, kende recientemente a regresa Venezuela, ainda no ta participa den e negociacionnan.

Secretario di Estado Marco Rubio a advirti cu Washington lo mantene presion pa garantisa e transicion, incluyendo sancionnan economico si e proceso wordo sabota.

Ainda no tin un fecha oficial pa eleccion.