Mike Eman a invita profesionalnan Arubiano na Hulanda pa bolbe Aruba

ORANJESTAD — Durante FRED Expo na Rotterdam, Prome Minister Mike Eman a haci un apelacion na hoben profesionalnan Arubiano na Hulanda pa considera bolbe nan pais, no solamente pa oportunidadnan di trabou, sino tambe pa nan famia, cultura y sentimiento di pertenencia.

Acompaña pa Minister Wendrick Cicilia, Eman a destaca oportunidadnan laboral den sector economico, gubernamental y social.

Eman a reconoce cu Aruba no semper por competi cu Hulanda den salario, facilidadnan y oportunidadnan profesional, pero a enfatisa cu e lasonan familiar y calidad di bida na Aruba tin un balor special.

Segun e prome minister, profesionalnan cu bolbe por contribui cu nan conocemento y experiencia na desaroyo di Aruba.