MEP ta exigi contesta di Hulanda riba Betico Croes

ORANJESTAD — Fraccion di MEP a manda un prome recordatorio na Prome Minister Mike Eman pa insisti cerca gobierno Hulandes pa haya aclaracion riba anotacionnan personal di Reina Beatrix tocante Betico Croes.

E anotacionnan, “Tijd winnen! Hij zal eens wegvallen. Dat afwachten”, a lanta preguntanan tocante e intencionnan tras di e palabranan aki.

MEP kier sa cua informacion tabata disponibel e tempo ey y si tabatin algun plan pa elimina Betico Croes como figura politico. E partido ta enfatisa cu no ta trata di speculacion, sino di claridad historico y transparencia.

Segun MEP, Aruba tin derecho di haya contesta y Mike Eman mester insisti cerca Hulanda pa obtene nan.