Tres actor den careda final pa bira e proximo James Bond

LONDEN — Callum Turner, Jack Lowden y Josh O'Connor ta entre e actornan cu, segun reportahenan, lo participa den e ultimo audicionnan pa interpreta James Bond. E pruebanan, cu ta programa pa e fin di siman aki, ta inclui accion, presencia dilanti di camera y dialogo.

Entre tres y cinco actor lo ta den e fase final pa reemplasa Daniel Craig, kende a interpreta agente 007 den cinco pelicula.

E proximo pelicula di James Bond, cu posiblemente lo sali na 2028, lo ta bao direccion di Denis Villeneuve, cu un guion di Steven Knight. Ainda no tin fecha confirma pa anuncia e actor escogi.