Minister Dowers: KPA tin 80 polis menos cu na 2017

ORANJESTAD — Minister di Husticia Arthur Dowers ta atribui e escasez di personal den Cuerpo Policial Aruba (KPA) na añanan di falta di continuidad den formacion y reclutamento di polis bou di Gobierno anterior.

Segun Dowers, actualmente KPA tin aproximadamente 80 polis menos compara cu 2017. E escasez ta obliga funcionarionan traha hopi ora extra, cu menos oportunidad pa descanso, afectando capacidad operacional di polis.

E minister a lamenta un incidente reciente di violencia y a expresa su condolencia na famia di e victima, enfatisa cu falta di polis no ta hustifica loke a sosode.

Dowers a anuncia cu varios klas nobo di formacion policial ta canando y cu Gobierno ta inverti den mehoramento di Scol di Polis. Ademas, e ta prepara un proyecto di ley pa permiti intervencion preventivo den situacionnan cu ta amenaza seguridad publico.