Parlamentario di AVP John Hart kier acerca salario minimo na bestaansminimum

ORANJESTAD — Parlamentario di AVP, John Hart, ta pidi un debate den Parlamento pa aumenta salario minimo gradualmente te na nivel di bestaansminimum, e entrada necesario pa cubri necesidadnan basico.

Segun Hart, actualmente tin un diferencia di casi Afl. 700 pa luna entre e dos nivelnan, cu ta afecta aproximadamente 20.000 trahador na Aruba.

E parlamentario ta enfatisa cu e aumento mester bay acompaña di medidanan di sosten pa empresanan, pa evita cu nan carga financiero bira demasiado pisa.

Hart ta pidi Minister di Labor claridad tocante e preparacionnan, posibel compensacion pa comercio y e cambionan legal necesario. Su meta ta pa tur trahador por gana un salario cu ta permitie biba cu dignidad.