Alarma pa abuso y negligencia contra adultonan mayor na Aruba

ORANJESTAD — Den cuadro di Dia Mundial di Etica, 21 di october, Fundacion Alzheimer Aruba y defensornan internacional di derechonan humano ta haci un yamada urgente pa mehora proteccion di adultonan mayor contra abuso, negligencia y discriminacion pa motibo di edad.

Den un articulo skirbi pa drs. Melva Croes-Yánez, ta señala cu embiehesimento di poblacion, costo di bida halto y falta di sosten pa cuidadornan ta aumenta e presion riba cuido di grandinan na Aruba.

Segun Organisacion Mundial di Salud (WHO), un di cada seis persona di 60 aña of mas ta sufri algun forma di abuso.

E coalicion ta exigi proteccion legal mas fuerte, miho supervision di casnan di cuido, prevencion di abuso financiero y servicionan digital accesibel, cu alternativa humano na Papiamento.

E mensahe central ta cu dignidad y siguridad di adultonan mayor mester bira un prioridad nacional.