180 pasahero ta pasa anochi na aeropuerto di Aruba despues di un choque cu parha

ORANJESTAD — Un avion di Aruba Airlines cu 180 pasahero rumbo pa Guyana a keda na tera na Aruba dialuna, despues cu un choke cu parha durante despegue na Cuba a causa daño na su parti dilanti.

E avion a sigui pa Aruba pa un escala programa pa carga combustible. Despues di inspeccion, autoridad di aviacion DCA no a permiti e avion lanta buelo di nobo. Segun e portal 24ora, tampoco a autorisa un buelo sin pasahero (ferry flight) pa reparacion na Merca.

E pasaheronan, incluyendo mucha y hende di edad, no por a drenta Aruba pasobra nan no tabatin e documentonan requeri. CMO, Cruz Cora y personal di aeropuerto a prepara 180 cama di campaña, cu cusinchi, paña di cama y articulonan di higiene.

Na momento di publicacion, no tabata conoci ki ora nan por sigui pa Guyana. Aruba Airlines tabata busca transporte alternativo y posibilidad di reparacion. Potret cortesia 24ora.com