SETAR ta introduci un experiencia nobo pa IPTV

(ADVERTORIAL)

ORANJESTAD -  Pa sigui brinda nos clientenan un servicio moderno y miho, SETAR lo haci un upgrade importante na su plataforma di IPTV.

Cu e cambio aki, nos clientenan lo experencia un ‘interface’ mas moderno y facil pa navega na momento di uza nan television. 

E migracion pa e plataforma nobo lo tuma lugar, diamars 13 di october, entre 2:00 AM y 6:00 AM. Durante e oranan aki, e servicio di IPTV lo ta temporalmente for di servicio mientras nos ta completa e upgrade. Nos ta lamenta cualkier inconveniencia cu esaki por causa y ta gradici nos clientenan pa nan comprension. 

Despues di e migracion, e ‘Interface’ nobo lo ta disponibel pa tur cliente cu tin e servicio di IPTV of SETAR Complete IPTV. 

E upgrade aki ta forma parti di compromiso di SETAR pa sigui modernisa y mehora su servicionan na tur su clientenan.