Secretario di Estado Van der Burg ta bishita Kazerne di Marina na Savaneta

SAVANETA - Eric van der Burg Secretario di Estado pa Relacionan Interior y di Reino, a haci un bishita di trabou na Kazèrne di Marina na Savaneta awe mainta, hunto cu Prome Minister Eman di Aruba.

Durante e bishita di trabou aki, nan a haña informacion tocante Militar Arubano (ARUMIL) y a combersa cu hobennan di e Trayecto di Formacion Sosial (SVT Sociaal Vormingsgtraject).

E Trayecto di Formacion Sosial (SVT) ta un programa pa hobennan entre 17 pa 25 aña cu no ta bayendo scol of ainda no a haña un rumbo stabil den nan bida.

E SVT a wòrdo  introduci na Aruba na 2010 den cooperacion cu Ministerio di Defensa. E prome parti di e programa ta ensera entrenamento den disciplina militar. Esaki ta tuma luga na Kazerne di Marina na Savaneta, bou di guia di ofisialnan di ARUMIL.

E bishita di Secretario di Estado Van der Burg na Kazerne di Marina na Savaneta ta parti di su bishita di trabou na Islanan ABC.