Gol di Juninho Bacuna ta pone Corsou gana Trinidad y Tobago 1–0

WILLEMSTAD - Corsou tabata na un ventaja di 1–0 contra Trinidad y Tobago na minuut 90, gracias na un gol di Juninho Bacuna den minuut 58, despues di un pase di Tahith Chong. Y na final Corsou a gana e Partido tambe.

Despues di un prome mitar sin gol, Bacuna a habri e marcador cu un tiro den e skina abou na man robes. Corsou a crea varios oportunidad, pero goalkeeper Denzil Smith a evita mas gol cu salbanan riba intentonan di, entre otro, Kenji Gorré, Jürgen Locadia y Chong.

Trinidad y Tobago a keda cu dies hungador den minuut 71, ora Dantaye Gilbert a ricibi su di dos carchi geel pa un falta riba Livano Comenencia. Toch, e equipo a sigui amenaza: Luke Phillip a dal e palo den minuut 74 y Eloy Room a stop un cabezazo di Reon Moore den minuut 81.

Corsou por a amplia su ventaja den minuut 89, pero Smith a stop e penal di Leandro Bacuna. E penal a wordo otorga despues di un falta di Michel Poon-Angeron riba Bacuna. Potret di archivo