TUI fly lo aumenta buelonan directo pa Aruba entrante april 2027

WILLEMSTAD – TUI fly lo amplia su programa di buelonan entre Hulanda y Caribe Hulandes entrante april 2027. Pa Aruba, e aerolinea lo aumenta e cantidad di buelonan semanal di dos pa tres, cu salida riba dialuna, diarason y diabierna.

Na Boneiro, e cantidad di buelo lo subi di cinco pa siete pa siman, loke ta crea un conexion diario cu Amsterdam. Corsou tambe lo haya mas capacidad, cu nuebe buelo directo pa siman, ademas di dos buelo combina cu Boneiru.

Segun TUI, e expansion ta responde na e demanda creciente pa biahe y lo ofrece pasaheronan mas opcion, mas comodidad y mas flexibilidad. E compania ta bisa cu e inversion den mas buelo directo lo yuda fortalece turismo, biahenan di negoshi y bishitanan di famia, mientras cu tambe ta confirma e importancia di Aruba, Boneiro y Corsou den su red di destinacionnan.