Na Corsou, premier Pisas ta pidi unidad den MFK despues di conflicto interno

WILLEMSTAD – Promer minister di Corsou, Gilmar Pisas, a haci un yamada pa calmo, reconciliacion y unidad den partido MFK despues di e conflicto publico entre parlamentario Javier Silvania y minister di Finansa Charles Cooper tocante e sector di wega di casino online. Pisas a declara cu miembronan di MFK tin derecho di haci preguntanan critico, pero ta prefera cu diferente opinionnan wordo discuti internamente y no via prensa of rednan social.

E promer minister a confirma cu Silvania lo keda miembro di MFK y cu no tin plan pa forma un partido nobo. Tambe a anuncia cu lo tuma luga un investigacion independiente riba e maneho di Curaçao Gaming Authority, incluyendo pagonan na un compania na Malta. Segun Pisas, e prioridad awor ta fortalece comunicacion interno y evita cu conflicto politico sigui causa mas daño na partido.