Fanaticonan di Corsou eligi como e mas amistoso di Mundial 2026

WILLEMSTAD – Despues di tende e noticia mundial cu e gol di Corsou (contra Alemania) a provoca e "Gooooool!" mas largo di Mundial 2026, e isla a ricibi un otro reconocemento positivo. Un encuesta entre 5.200 residente di ciudadnan anfitrion den Merca a nombra fanaticonan di Corsou como e mas amistoso y acogedor di henter torneo.

Segun e estudio, publica pa Sam Allcock, supporternan di Corsou a destaca pa nan calor caribeño, energia, colorido y orguyo cu nan a mustra apoyando e seleccion nacional durante su promé participacion den un Mundial.

Investigadonan a describi fanaticonan di Corsou como hende cu ta facil pa cuminsa un conbersacion y cu a laga un impresion positivo tanto den stadion como pafoE. Pa hopi bishitante, nan entusiasmo y hospitalidad a contribui pa haci Kòrsou un di e historianan mas bunita di e campeonato.

Australia a termina di dos den e clasificacion, sigui pa Escocia, Colombia y Costa di Marfil.

Corsou no solamente a gana simpatia cu su fanaticonan, sino tambe riba cancha. Den su debut den un Copa Mundial, e seleccion a sorprende door di saca un empate contra Ecuador. Anteriormente, e gol di Livano Comenencia contra Alemania tambe a bira noticia despues cu comentarista Andrés Cantor di Telemundo a lanta e "Gooooool!" mas largo di henter Mundial.