PPA ta exigi claridad riba Tourism Product Enhancement Fund (TPEF)

ORANJESTAD - Lider di fraccion di PPA, Eduard Pieters, ta critica gobierno pa pospone na ultimo momento un Reunion Publico di Parlamento sin duna motibo. Segun Pieters, e reunion tabata pidi oficialmente desde 28 di mei 2026 y tabata enfoca riba maneho di Tourism Product Enhancement Fund (TPEF).

Pieters ta sostene cu minister Cicilia tin obligacion di presenta su mes na Parlamento pa splica con e fondo ta wordo uza. Segun e, Tourism Product Enhancement Fund (TPEF) ta un fondo di inversion pa fortalece e producto turistico di Aruba, no pa paga gasto diario di operacion.

E lider di PPA tambe a conecta e tema cu problema di desperdicio na Aruba. Segun e, gobierno ta trata solamente e sintomanan, manera pone mas container y haci limpi, pero no ta resolve e causa real. PPA ta propone inversion den tecnologia moderno, innovacion y infrastructura pa procesamento di desperdicio.

Pieters ta enfatisa cu transparencia no ta un slogan, sino un deber constitucional. Segun dje, Parlamento tin e responsabilidad di controla gobierno, y un minister cu no duna cara ta falta respet na Parlamento y pueblo di Aruba.