No perde ningun breaking news: Activa notificacionnan di Noticiacla den poco paso

ORANJESTAD - Bo a instala (of re-instala) e app di Noticiacla (e la wordo actualisa), pero ainda bo no ta ricibi notificacionnan di breaking news? Esaki por pasa si e permiso pa ricibi notificacionnan a wordo bloquea na nivel di bo telefoon.

Si bo no ta ricibi alerta, sigui e pasonan aki:

Paso 1: Bai na Settings riba bo telefoon.

Paso 2: Habri ‘Apps’ y busca NoticiaCla.

Paso 3: Tap ‘Notifications’.

Paso 4: Sigura cu ‘Allow notifications’ ta activa.

Normalmente, ora bo habri e app pa prom biaha despues di install, e sistema ta puntra si bo kier permiti notificacionnan. Si bo a scoge "No" of e opcion a keda blokia, bo no lo ricibi breaking news.

E pasonan aki ta aplica solamente pa usuarionan cu anteriormente a nenga permiso pa notificacionnan of cu nan notificacionnan ta bloquea na nivel di e sistema.

Despues cu bo activa e opcion, bo lo cuminsa ricibi breaking news di Noticiacla mes ora cu nan ta wordo publica.