Casino y real estate ta keda sector di riesgo pa labamento di placa na Aruba

ORANJESTAD – E rapport annual di Financial Intelligence Unit Aruba (FIU-Aruba) publica e siman aki, ta identifica e sector di casino y real estate como dos area cu ta sigui presenta vulnerabilidad importante pa lavado di placa na Aruba. Segun e Annual Report 2025, casino ta keda un sector di riesgo pa motibo cu e ta traha cu hopi cash, hopi transaccion y clientenan internacional. Aunke e sector ta cumpli cu obligacion di raporta, FIU ta indica cu mester sigui cu vigilancia fuerte y monitoreo di transaccionnan. E raport ta menciona tambe cu Aruba a aproba e ley di gaming na 2021, pero cu Gaming Authority ainda no a wordo estableci. Esaki ta wordo considera un   deficiencia structural, specialmente pa licencia, supervision y auditoria completo den e sector.

REAL ESTATE 

Real estate tambe ta keda un punto di atencion. E mercado di propiedad na Aruba a sigui crece despues di pandemia, cu mas inversion y mas actividad economico. Pero segun FIU, e crecemento aki por trece riesgo di labamento di placa, specialmente ora placa ilegal wordo integra den compra of benta di propiedad. FIU ta nota cu, aunke e mercado di real estate a crece, cantidad di raport di transaccion inusual for di e sector no a subi na e mesun ritmo. Esaki no necesariamente ta nifica cu tin falta di raporta, pero sie ta indica cu mester mas evaluacion di conciencia, monitoreo y comportamiento di reporta den e sector. Lesa e rapport completo AKI.