Gobierno kier habri "Waf Chikito" pa barkitonan di fruta for di Venezuela

ORANJESTAD – Gobierno di Aruba ta trahando pa pone e  "Waf Chiquito" den Oranjestad cla pa bolbe ricibi e tradicion di barchinan venezolanonan cu ta trece fruta y hortaliza fresco directo pa Aruba. Asina e portal Noticia Impacto ta raporta.  Promer Minister Mike Eman a confirma cu e sitio lo wordo reacondiciona como parti di e reapertura gradual di relacionnan comercial cu Venezuela.

Segun e plan, e barkitonan venezolano lo por bini bende nan producto directamente na consumidor arubiano, algo cu hopi residente a pidi pa bolbe introduci durante varios aña pa motibo di frescura y variedad di e productonan.

Vicepresidente di Camara di Comercio y Turismo di La Vela, Juan Gotopo, a recorda cu "Waf Chiquito" tabata un mercado tradicional   cu a opera desde alrededor di 1950. Su funcion principal tabata pa permiti cu barkitonan di fruta for di Venezuela bende nan mercancia directamente na Aruba, similar na e mercado flotante di Corsou.

E iniciativa ta coincide cu e reapertura di e conexion aereo entre Aruba y Venezuela despues di siete aña. E prome buelonan comercialnan ta programa pa cuminsa 1 di augustus, inicialmente cu dos vuelo pa siman.

Mike Eman a indica cu ainda tin reto operacional pa supera prome cu e prome vuelo, pero cu Aruba ta sigui coordinando positivamente cu e autoridadnan venezolano pa logra e meta.