Rapport di UNA: Aruba mester pensa bon prome cu cambia status den Union Europeo

ORANJESTAD – Un estudio nobo encarga door di Ministerio di Asuntonan Interno y Relacionnan di Reino di Hulanda ta conclui cu no tin un contesta facil riba pregunta si Aruba lo beneficia mas cu e actual status di LGO (Land y Gebied Overzee) of cu un cambio pa UPG (Ultra Perifeer Gebied) den Union Europeo.

Segun e investigacion, ninguno di e dos opcionnan ta automaticamente esun mihor. Tur cos lo depende di e metanan politico y economico cu Aruba kier logra, manera e capacidad di e pais pa implementa leynan europeo y aprovecha oportunidadnan cu Union Europeo ta ofrece.

E informe ta bisa cu un cambio pa UPG por habri porta pa mas fondo europeo y otro oportunidad economico. Sinembargo, esaki tambe lo obliga Aruba pa implementa practicamente tur legislacion di Union Europeo, cu por exigi inversion grandi den personal, tecnologia, supervision y aparato gubernamental.

E investigadornan ta adverti cu un cambio di status no ta solamente un decision economico, sino tambe un decision politico tocante e futuro di Aruba y e grado di autonomia cu e pais kier conserva. Lesa e rapport completo AKI.