Honeymoon Always: Aruba ta e destino mas sigur di Caribe pa luna di miel na 2026

ORANJESTAD – Aruba a wordo nombra e destino mas sigur di Caribe pa parehanan cu ta bai luna di miel den 2026, segun un indice nobo publica door di e marca di biahe Honeymoon Always.

Aruba a ocupa e prome luga cu un puntuacion di 8.50, sigui door di Barbados y Corsou. E investigacion a evalua 27 destino den Caribe, basa riba seis criterio, incluyendo seguridad, acceso na cuido medico, infraestructura pa luna di miel, riesgo di huracan y presion di turismo.

Segun e expertonan, Aruba, Barbados y Corsou a destaca paso nan ta combina bon infraestructura, hopi seguridad y un experiencia di biahe mas trankil pa bishitantenan.

Ademas di ocupa e prome puesto general, Aruba tambe a ricibi reconocemento como e pais cu menos riesgo di huracan, hunto cu Corsou, y como un di e destinonan mas consistente pa turista.

E indice ta sirbi como un guia pa parehanan cu ta planifica nan luna di miel y no como un clasificacion oficial di seguridad di gobierno.