Aruba ta reuni mas di 100 palet di ayudo humanitario pa Venezuela

PALM BEACH – Aruba ta sigui mustra un gran espirito di solidaridad cu Venezuela. Na e centro di colecta na parkeerplaats di Paseo Herencia, boluntarionan ta trahando incansablemente pa prepara mas di 100 palet cu alimento, awa, medicina, productonan di higiene y otro articulonan di prome necesidad pa e victimanan di e terremotonan.

Segun Orlando Garcia, un di e organizadornan di e iniciativa, e accion humanitario a cuminza apenas 12 ora despues di e tragedia. Danki na e apoyo di empresa, comunidad y residente di diferente nacionalidad, e cantidad di donacionnan a supera tur expectativa. E prome cargamento lo sali pronto rumbo pa Venezuela, mientras e colecta lo sigui.

Organisadornan a enfatisa cu remedi, cuminda, awa y productonan di higiene ta entre e articulonan cu mas tin falta di dje. Tambe a haci un yamada pa sigui donando productonan pa baby, manera pamper y remedi.

Boluntarionan a comparti cu e gran respuesta di comunidad ta un simbolo di compasion y unidad. Hendenan di diferente nacionalidad a uni nan esfuerzo pa brinda apoyo na e pueblo Venezolano durante un di e momentonan mas dificil den su historia reciente.

E centro di colecta na Paseo Herencia ta sigui habri pa recibi donacionnan mientras ta prepara e siguiente cargamentonan di ayudo rumbo pa Venezuela.