Segun estudio na Hulanda, social media ta wordo usa mas pa noticia, pero confianza ta keda abou

AMSTERDAM - Un  estudio nobo ta mustra cu interes den noticia ta sigui disminui, especialmente entre hobennan. Cada bez mas hoben ta usa social media como nan principal fuente di noticia, mientras uso di chatbot di inteligencia artificial pa haya informacion tambe ta creciendo.

Sinembargo, confianza den noticia cu ta circula riba social media ta permanece hopi abou. Solamente 12% di e encuestadonan ta confia noticia riba e plataformanan aki, mientras 51% ta expresa preocupacion tocante e contenido.

Apesar di e crecemiento di social media y AI como fuente di noticia, medio tradicionalnan ta continua disfrutando di mas confianza. NOS ta sigui e medio cu mas credibilidad na Hulanda, sigui pa ANP, periodiconan regional y RTL Nieuws.

E investigacion tambe ta mustra cu desconfianza den noticia ta aumentando. Na 2018, 11% di e encuestadonan no tabata confia noticia; na 2026 e cifra ey a subi te cu 21%.

Segun e investigadornan, confianza den noticia ta depende en gran parti di cuanto publico ndependiente ta percibi medio noticioso for di influencia politico y comercial.