- Merca y Iran ta confirma acuerdo pa caba cu guera, tambe den Libano
- Mas cu 133 mil turista a bishita Aruba den mei
- Hulanda ta laga victoria scapa den ultimo minuut contra Hapon na Mundial
- Corsou ta lucha cu curason, pero Alemania ta domina y gana 7-1
- Corsou ta evalua elimina visa pa Venezolanonan pa impulsa turismo
- Merca y Iran ta confirma acuerdo pa caba cu guera, tambe den Libano
- Mas cu 133 mil turista a bishita Aruba den mei
- Hulanda ta laga victoria scapa den ultimo minuut contra Hapon na Mundial
- Corsou ta lucha cu curason, pero Alemania ta domina y gana 7-1
- Corsou ta evalua elimina visa pa Venezolanonan pa impulsa turismo
Mas cu 133 mil turista a bishita Aruba den mei
ORANJESTAD - Durante luna di mei 2026, Aruba a ricibi un total di 133.680 turista stayover. Te cu mei, e cantidad total di anochinan pasa na Aruba a yega 1.515.102. Asina un raporta di Aruba Tourism Authority a raporta diadomingo. E duracion promedio di estadia (ALOS) a keda na 7 anochi, un indicador cu, segun A.T.A., ta refleja un patron stabiel den comportamiento di bishitantenan.
NORTE AMERICA TA SIGUI E MERCADO PRINCIPAL
Norte America a representa 74,4% di tur yegadanan durante mei. Sur America a aporta 19%, Europa 4,1% y otro regionnan 2,5%. Merca y Canada a sigui siendo e mercadonan mas importante den Norte America. Den Sur America, Argentina a sigui mustra un crecemento notable, mientras cu Hulanda a mantene su posicion como e mercado europeo mas importante pa Aruba.
ARUBA TA SIGUI ATRACTIVO PA DIFERENTE GENERACIONNAN
E datonan tambe ta mustra cu Aruba ta sigui atractivo pa turista di diferente edad. Millenials a forma 27,7% di e bishitantenan, sigui pa Baby Boomers cu 25,7% y Generation X cu 25,3%. Generation Z a representa 13,7% di tur bishitantenan. Segun A.T.A., e combinacion aki ta confirma cu Aruba ta mantene un atractivo amplio como destinacion internacional pa diferente tipo di biahero. E autoridad di turismo a indica cu e informacion aki lo sigui sirbi como base pa decisionnan strategico enfoca riba calidad, valor y sostenibilidad den e desaroyo futuro di sector turistico di Aruba.