Trump: Merca lo nunca bira un pais comunista

WASHINGTON – Presidente di Merca, Donald Trump, a declara cu Merca lo nunca bira un pais comunista. E mandatario a haci e declaracion durante un discurso na Monte Rushmore, den estado di South Dakota, como parti di e celebracionnan di Dia di Independencia di Merca.

Trump a bisa cu ciudadano americano mester haci un escoho entre e ideologianan di Karl Marx of lealtad na Merca. “Bo por ta fiel na Karl Marx of bo por ta fiel na Merca. Bo por ta comunista of patriota, pero bo no por ta e dos cos na mesun momento,” el a afirma.

Segun Trump, na Merca tin un resurgimento di e amenaza comunista, algo cu, segun dje, tambe ta wordo impulsa pa personanan cu a yega recientemente na e pais.