Endy Croes (MEP) ta cuestiona contrato di Afl. 2,1 miyon di ATA

ORANJESTAD – Durante un reunion publico den Parlamento reciente,ente, parlamentario Endy Croes (MEP) a cuestiona un contrato di Afl. 2,1 miyon pa aña cu Aruba Tourism Authority (ATA) a otorga na Ecotech pa e proyecto "Baki den Bario" na Barcadera.

Segun Croes, e contrato no a sigui e proceso obligatorio di destaho publico, manera e ley ta exigi pa proyectonan cu ta supera Afl. 200.000. E ta bisa cu esaki por ta un violacion di e Landsverordening di ATA y di e reglanan di bon gobernacion.

Croes tambe a expresa preocupacion pa un posible conflicto di interes, pasobra e presidenta di Board di ATA, cu a firma e peticion pa aprobacion di e contrato, ta traha tambe pa un compania cu ta pertenese na e mes grupo empresarial cu Ecotech. Segun e, pa evita cualkier duda, e documento por a wordo firma pa e vicepresidente di e directiva.

Ademas, Croes a cuestiona pakico Serlimar no a participa den e proceso y a señala cu maneho di desperdicio no ta parti di e tarea principal di ATA.

El a conclui cu transparencia, bon gobernacion y cumplimiento cu ley mester ta e base di tur decision cu ta wordo tuma cu placa publico.