Fusion entre Sonrisa, Trampolin pa Trabou y Ambiente Nobo oficialmente anuncia

ORANJESTAD – Tres organisacionnan social importante na Aruba a anuncia oficialmente nan intencion pa fusiona den un solo fundacion. Ta trata di Sonrisa, Vereniging voor Ouders, Familie en Vrienden van Geestelijk Gehandicapten, Stichting Trampolin pa Trabou y Stichting “Ambiente Nobo”.

Segun e anuncio oficial, e fusion lo tuma luga despues cu Sonrisa cambia su  structura legal pa bira un fundacion. E documentonan y piezanan exigi pa ley ya a wordo deposita na Handelsregister di Camara di Comercio pa inspeccion.

Sonrisa, cu ta enfoca riba sosten pa mayornan, famianan y amistadnan di personanan cu limitacionnan intelectual, lo uni forza cu Trampolin pa Trabou y Ambiente Nobo, dos organisacionnan cu tambe ta activa den area social y apoyo comunitario.

E fusion ta representa un paso importante pa fortalece colaboracion, centralisa recurso y sigui expandi apoyo social den Aruba.