Caminda pa e final: E posible siguiente calendario di seleccion hulandes pa Mundial 2026

ORANJESTAD – Cu e clasificacion pa e ronda eliminatorio, Hulanda ya sa con su ruta rumbo por ta pa final di Mundial FIFA 2026. Si e seleccion Oranje sigui gana, e seleccion Hulandes por hunga cinco partido mas te yega na e gran final. Pa fanaticonan na Aruba, ta importante tene cuenta cu e oranan publica den Europa ta diferente cu e ora local. Aki bou ta e calendario converti pa ora di Aruba:

Ronda di 32  (1/16 final) - Dialuna 29 di juni – 9:00 di anochi

Octavo di final - Diasabra 4 di juli – 1:00 di atardi

Cuartofinal- Diahuebs 9 di juli – 4:00 di atardi

Semifinal - Diamars 14 di juli – 3:00 di atardi

Final - Diadomingo 19 di juli – 3:00 di atardi

E SIGUIENTE DESAFIO

Despues di termina como ganador di su grupo, Hulanda ta prepara pa e siguiente desafio cu e speransa di sigui avansa den e torneo. Si e seleccion logra pasa tur e rondanan eliminatorio, e lo yega na e final programa pa diadomingo 19 di juli pa 3:00 di atardi, ora di Aruba.

Cu e calendario awor defini, fanaticonan Oranje na Aruba por cuminza prepara pa un otro serie di partidonan decisivo den e lucha pa conkista e titulo mundial.