Advocaat no ta sorprende cu seleccion definitivo di Curaçao pa Mundial

WILLEMSTAD/AMSTERDAM - Dick Advocaat a anuncia e seleccion definitivo di Curaçao pa e clasificatorionan rumbo na Mundial, y practicamente no tabatin sorpresa den e lista di 26 hungadornan. Loke ta resalta ta cu 11 internacional di Curaçao ta activo den e Eredivisie di Hulanda.

Tambe e reciente refuerzonan di Curaçao a keda inclui den seleccion. Entre nan ta Sontje Hansen di Middlesbrough, Riechedly Bazoer di Konyaspor na Turkia, defensor di PSV Armando Obispo y hungador di Sparta Shurandy Sambo.

E unico hungador den seleccion cu realmente a nace na Curaçao ta atacante Tahith Chong di Sheffield United na Inglaterra.

Segun informacion preliminar, tur hungador selecciona ta fit y ningun no tabata mester keda afo pa motibo di lesion.

Den porteria, Advocaat ta conta cu keeper experencia Eloy Room. Den defensa tambe tin nombernan manera Joshua Brenet, Sherel Floranus y Juriën Gaari.

Riba mediocampo, Curaçao ta pone confianza den Juninho Bacuna, Leandro Bacuna y Godfried Roemeratoe. Den ataque, seleccion tin nombernan fuerte manera Tahith Chong, Sontje Hansen, Kenji Gorré, Jürgen Locadia y Brandley Kuwas.