Corsou ta conoce su di 6 morto di trafico pa 2026 di accidente mortal na Corsou

WILLEMSTAD – E homber cu a perde su bida diahuebs mainta den un accidente di trafico riba crusada di Schottegatweg-Oost y Plutostraat a wordo identifica como Sharon Faustino Harreman. Esaki a wordo confirma door di Korps Politie Curaçao.

E victima a fayece rond di 4:56 mainta despues di un impacto entre un scooter y un auto particular. Servicionan di emergencia a encontra e conductor di scooter inconsciente riba caminda, un distancia for di su vehiculo. Personal di ambulance no por a haci nada mas pa salba su bida y un medico di polis a confirma su morto na e lugar.

Segun investigacion preliminar di polis, e auto tabata circula riba Schottegatweg-Oost den direccion di Schottegatweg-Zuid. Na e crusada cu Plutostraat, e conductor a bira na banda robez, momento cu e choke cu e scooter a sosode cu tabata bin for di direccion contrario.

Harreman a sufri varios herida serio durante e impacto. Departamento di Trafico ta sigui investigando exactamente con e accidente a tuma luga.

E victima ta e di seis morto den trafico na Corsou durante aña aki.