FFK: Advocaat ta bolbe como director technico di Corsou despues cu Rutten a retira

WILLEMSTAD – Presidente di Federashon Futbol Korsou (FFK), Gilbert Martina, a critica fuertemente e reportahenan den media hulandes tocante disturbio rond di seleccion nacional di Corsou, describiendo e situacion como “repugnante” y basa riba  speculacion.

Segun Martina, Fred Rutten a dicidi su mes pa retira como entrenador despues di un conversacion diadomingo. E cambio den liderato a resulta despues cu Dick Advocaat, kende anteriormente a tuma un paso patras temporalmente debi na enfermedad di su yiu muhe, a bira disponibel atrobe despues di mehoracion den estado di salud di su yiu muhe.

Martina a splica cu FFK anteriormente a mustra comprension pa situacion personal di Advocaat y a nombra Rutten como entrenador temporal. Sinembargo, despues di e dos derrota reciente y cu un partido importante contra Escocia acercando riba 30 di mei, FFK a considera cu e ekipo mester  stabilidad y enfoke total riba campaña rumbo pa Mundial.

Segun Martina, Rutten tambe tabata di opinion cu discusion continuo tocante cuerpo tecnico no tabata saludable pa Corsou. Despues di feedback for di grupo di hungadornan y consultacion cu directiva y director tecnico, FFK finalmente a dicidi pa trece Dick Advocaat bek como director technico di Corsou.

Martina tambe a rechaza categoricamente diferente citado publica den prensa hulandes, bisando cu hopi cos “a wordo crea cu no tabata existi.”

FFK a confirma oficialmente mainta cu Dick Advocaat ta bolbe como entrenador principal di Corsou. Potret y texto cortesia Paradijs FM radio.