Artista J Balvin añadi pa completa line up di Curacao North Sea Jazz 2026

WILLEMSTAD -Curaçao North Sea Jazz Festival a anuncia mas artistanan cu lo participa den edicion di 2026. Un di e nombernan grandi cu a wordo añadi ta J Balvin, cu lo subi escenario diasabra 5 di september.

E organisacion a confirma tambe cu Alain Pérez y La Orquesta, Monty Alexander Jamericana y PJ Morton ta parti di lineup di e festival. Anteriormente, artistanan manera Toto, Rubén Blades, Jon Batiste y Kassav' tabata caba confirma.

Benta di ticket lo cuminsa 7 di mei pa 10’or di mainta.

Pa diasabra 5 di september, ademas di J Balvin, publico tambe por disfruta presentacionnan di Stephen Marley, Al Di Meola Ensemble y Branford Marsalis hunto cu Dianne Reeves den un tributo na John Coltrane.

Diahuebs 3 di september lo tin presentacionnan di Alain Pérez y La Orquesta y Gente de Zona.

Diabierna 4 di september, escenario lo ricibi Rubén Blades Fotografías Tour cu Roberto Delgado Big Band, Toto, Monty Alexander Jamericana y PJ Morton.