Na Corsou,Kortijn a cumpra parti di Lovers, pero no por usa e marca

WILLEMSTAD — Lovers Industrial Corporation BV (Lovers Korsou) a confirma cu Kortijn a cumpra solamente ciertonan activo di e empresa, pero no e marca ni su derechonan. Lovers USA a aclara cu e transaccion ta un “asset deal”, es decir, solamente activo fisico y operacional a wordo transferi.

Esaki ta nifica cu Kortijn a haya mashinnan y otro medio di operacion, pero no e nomber di marca, logo, receta ni conocimiento comercial. E marca Lovers ta keda propiedad di Lovers USA, y pa esei Kortijn no por usa e marca ni produci e mesun producto cu e sabor original.

Lovers USA a enfatisa cu producto nan di Lovers lo sigui disponible na Korsou sin problema. Productor nan local y internacional a confirma nan compromiso pa mantene produccion y suministro continuo. Segun e empresa, calidad y disponibilidad lo keda garantisa gracias na cooperacion cu partnernan existente y nobo.

Den un declaracion oficial, Lovers USA a bisa cu nan kier duna claridat y subraya cu e propiedad intelectual no a wordo bende, mientras nan ta mira cu confianza pa un futuro estable.

.