Van der Burg: Deseo pa sigui cu landspakket (Corsou), pero capacidad di ehecucion ta preocupante

WILLEMSTAD – Secretario di estado hulandes Eric van der Burg a reuni cu gobierno di Curaçao pa discuti ehecucion di e landspakket y su siguiente fase. E reunion a tuma luga durante un bishita di trabou, unda e secretario di estado a sostene combersa cu Conseho di ministernan.

Segun gobierno di Corsou, enfoke den e landspakket ta move for di planificacion pa ehecucion y logra resultado concreto. Den e contexto aki, a indica cu mester tuma desicionnan mas duro, entre otro pa motibo di capacidad limita di ehecucion den aparato gubernamental.

E evaluacion di e landspakket a wordo completa na maart y publica na cuminsamento di april. Segun Van der Burg, conclusion ta cu mester sigui cu ehecucion, aunke posiblemente lo tin mester di mas capacidad, por ehempel via un organisacion temporal di trabou. Hulanda a indica cu e ta dispuesto pa duna apoyo cu conocemento y fuerza di ehecucion.

Aun no tin un desicion definitivo di Corsou riba con e pais lo sigui cu e landspakket despues di 2027.

Durante e reunion, tambe a papia riba desaroyonan economico y internacional. Gobierno a señala impacto di tensionnan geopolitico riba prijsnan y e consecuencia pa poblacion.

Den e marco aki, nan ta mira entre otro inversionnan den seguridad alimentario y sector di agricultura, incluyendo solucionnan innovativo manera hidrocultura.

Ademas, a discuti riba fondonan disponibel den Reino, entre otro pa proyectonan social y iniciativa nan relaciona cu pasado di esclavitud. E cooperacion aki lo sigui. Articulo y potret cortesia Dick Drayer, curacao.nu