Andruw Jones ta bula 83% riba e boleto di Salon di Fama baseball grandes ligas

WILLEMSTAD - Despues ku ayera a aktualisá e kantidat di boleto ku a keda revelá, Andruw Jones ta sigui kana riba e bon kaminda. Despues ku den e edishon di ayera di deporte EXTRA ku Andruw Jones tabata paresé riba 82.9% di boleto, despues di e aktualisashon awor e ta riba 83.8% di boleto. Te ku ayera nochi un total di 130 boleto a keda revelá, di kua 123 tabata públiko i 7 anónimo. Esaki ta bon pa 30.7% di tur boleto, ku ta nifiká ku falta awor ménos ku 300 boleto pa keda revelá. Andruw ta sigui gosa di aseptashon di tur manera serka eskritornan. Un total te ainda di 9 eskritor ku aña pasá no tabatin e yu di Kòrsou riba nan boleto.

Miéntras ku te ainda tambe 20 di e 22 eskritornan ku pa promé biaha ta vota, tin Andruw Jones riba nan boleto. Tur esakinan ta tremendo notisia pa Andruw Jones, mirando ku aña pasá pa apénas 35 voto so el a keda for di Salon di Fama di beisbòl merikano.

Andruw mester paresé riba 209 (71.1%) di e boletonan ku mester keda revelá, pa asina e bira e promé yu di Kòrsou den Salon di Fama di beisbòl merikano. NOTA: Texto ta scirbi den papiamento fonetico di Corsou.