Sorteo mundial di futbol: Hulanda contra Japon, Tunez y un otro campion di play-off cu ainda no ta conoci

WASHINGTON - Seleccion nacional di Hulanda lo hunga es prome verano na Mundial di futbol den grupo F contra Japon, Tunez y un pais Europeo cu mester ainda cualifica. E ultimo contrario ta sali for di play-offnan cu lo tuma lugar fin di maart entre Zweden, Polen, Ucraina y Albania.

Esaki ta e resultado di e sorteo cu a pasa den capital di Merca, Washington. E Mundial lo tuma lugar di 11 di juni te cu 19 di yuli den Canada, Mexico y Merca.

Hulanda ta cuminza e torneo dia domingo 14 di juni contra Japon, cu ta na di 18 luga den ranking mundial di FIFA y tabata contrario di Oranje den fase di grupo den Mundial di 2010 tambe (victoria 1-0). E otro partidonan lo wordo hunga diasabra 20 y diahuebs 25 di juni.